U montri rangbahdooh ka ri, u Narendra Modi ynne i miet hawa klam cha kiwa chong chnong ka ri India heiyatoh wa i yakhun pyrchah ya ka khlam u COVID-19 da ong u wa ki bru wa stat wa chemphang (Experts & Scientists) da kam ki wa uni u khñiang daw rap neh u wa ki bru ha pyrthai.
Da ong u leh wa emkaam won wow lai chaphrang wow pteiñ yei rukom im yong i man ka sngi deiwa yada pyn ya-i dæ deiwa sap ya ki Masks wei wow jngai iwi na iwi.
U Modi da kynmoo warom u leh ya kiwa da khlaad ha i yakhun ya kani ka khlam u COVID-19 iwa man leh iwa khlem poi pyrkhat deiwa ong wa katni emkaam ym du wow yada i pyn ya-i dæ tangwa emkaam leh wow lai chaphrang.
Ya ini waroh da ong u hawa pynbna ya ka Lockdown 4.0 namo ka khang chnong kawa soo wow yakhun ya kani ka khlam.
Da ong u leh wa ki kyndon wa yatoh wa kani ka Lockdown daw pynmih ya ki chwa ka 18 tarik uni u bnai deiwa ap yeiwa emkaam ki jylla katkam wa kyrpaad næ da ki sorkar yong ki.
Discussion about this post