Shillong: U Symbood Montri Rangbah ka jylla, u Prestone Tynsong da kyntu u ya waroh kiwa chong chnong wa ym toh u lehke ki yaki kyndon wa da booh da ka sorkar wow yada na ka khlam COVID-19, khamtam kitu kiwa chong chnong kiwa ka sorkar da phah ko wow pyndep ya ka Quarantine.
Hawa klam ynne ka sngi, u Prestone da ong wa haka 13 tarik uni u bnai da chem wa em 400 ngut ki bru ha Shillong kiwa da mih na ki thaw wa phah wow leh ya ki Quarantine, heiwa da chem da lai da yieñ ki kam kiwi kiwa chong chnong.
Da ong u wa ka sorkar da chna ko yaka kynhun kawa khlaiñ wow paitbniah ya kini kiwa da phah leh ya ka Quarantine, wei da pyntip u wa hadien wa chna ya kani ka kynhun da ka sorkar, da chem ki wa kini ki bru wym bood yaki kyndon wei da lai yachem ki wut wut ya ki bor chnong wei kamjooh ya kini ki bru yow pynsñiawthooh chooh chooh ya ki, wei hadien wa pynche, kini ki bru leh da kular ki wym tyngkheiñ de ya ki kyndon wa da phah.
U Prestone da ong u wow lait na kam ini i jia, ki dorbar chnong leh toh u chimbynta ki wow paitsiar ya kitu kiwa chong chnong.
Discussion about this post