Hapoh ka Atma Nirbhar Bharat Scheme, ka sorkar India da rai ko wow e khoo mynkna 5 Kg chi bnai yaki ar bnai kitæ u May wa u June 2020, cha kamwa 8 klur ngut ki wakreh mylla kiwa wan na kiwi ki jylla kiwa ym em hapoh ka National Food Security Act (NFSA) lane ki Scheme ki jylla lyngba ki PDS Cards.
Yow pynkrehkaam ya ini, daw lut ka sorkar T. 3500 klur i wow pynlut daka sorkar India. Waroh u khoo da poi u 8 Lakh Metric Tonnes (LMT).
I pynpoi ya uni u khoo hapoh kani ka Scheme da sdang i daka Food Corporation of India (FCI). Ynne, 1109 MT u khoo da e cha ka jylla Tamil Nadu wa 151 MT cha ka jylla Kerala yow saam cha kiwa khih mylla wa em haki kiwa wan na kiwi ki jylla.
Da leh leh ya iwa emkaam yow pynpoi ya u khoo cha waroh ki jylla hapoh ka ri wei da booh bhah leh yow pyntikna wa waroh ki jylla waki Union Territory u yoh ki ya uni u khoo.
Yow ye u leh ya ini, da booh ya uni u khoo haki 2122 ki Warehouse ha kylleiñ ka ri chadooh cha Andaman and Lakshadweep. Ya u khoo ini wa dep hadooh katni da pyndap deiwa pynkit da ki rel ki truck waki jhaad.
Discussion about this post