Saam ka Sonapyrdi ya u khoo wa e da u MLA, MDC waka KSU

Ka Dorbar Chnong Sonapyrdi da saam ko ya u khoo cha waroh kiwa chong chnong yong ka chnong ynnin ka 18 tarik. Ya uni u khoo da e sñiawbha da u MLA ka thaaiñ u Shitlang Pale wa u MDC ka thaaiñ u Emlangky Lamare waka KSU Sonapyrdi Unit.

Ha kani ka sngi da emlang chirup u Waheh Chnong, ki bru waheh yong ka chnong, kiwa yahkhmat ka KSU Jaiñtia Hills District Unit u SS Niangti, u Cherity Suja wa kattu katni ngut ki dkhot ka KSU.

Neiliang ka Dorbar Chnong Sonapyrdi pynsñiaw ko yei sñiawngooh ya kiwa mihkhmat nadooh u MLA, MDC wa kamjooh leh ya ka KSU Sonapyrdi Unit, kiwa em i mynsien sñiawkhia wow noh kyllooid mynsien da u khoo cha kiwa chong chnong yong ka chnong khamtam kam ha kini ki por yong ka Lockdown wa boon ki bru wa dooh wa duk chem chitom ki wow pyndap pynbiang yei emkaam ha yung ha sem.

Ka Dorbar Chnong e khublei kyrpang ko ya kini wa yarap waroh wei duwai ko yow yoh ki dei nang dei chait khamtam leh u yoh ki i stad i chemphang ha ka kaam chakri paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani toh ka kyrwoh wa phah na u Daiapherbha Lamare, Secretary Chnong Sonapyrdi.