Ka Executive Committee ka Dorbar Chnong Nartiang dap ko dei sñiawngooh ya u Thombor Shiwat CEM ka JHADC uwa man leh u MDC ka thaaiñ Nartiang Constituency yei e yarap u da u Kba Symbe wa i sboh cha ki 50 ngut ki warep hapoh ka chnong Nartiang.
Ya ini i e yarap neiliang u Thombor Shiwat da ekti u wow saam ha ka EC ka Dorbar Chnong Nartiang, kamtæ ka EC da saam ko ya ini i yarap ha ka 18 tarik uni u bnai ha yung u Secretary Chnong u Sati Swer ryngkat wa u Waheh Chnong u Mom Phalangki wa ki dkhot yong ka chnong.
Ka EC Chnong da e khublei kyrpang ko ya u MDC wa u Blai kynrad u nang kyrkhu khyrdoh wow nang yoh u dei chait dei nang wei wow nanglai u chakhmat ha ki kaam ki jaam yong oo waroh khamtam wow nang ye chooh u yarap ya ki paidbah ha kam kini ki por wa khangchnong (Lockdown) wa kiwa dooh wa duk chem chitom ki.
Kani toh ka wyrta wa phah da u Mom Phalangki, Waheh Chnong wa u Sati Swer, Secretary Shnong Nartiang.
Discussion about this post