Sñiawphylla ka PAC wa tih nan dakha ka MeECL khlem tip ka chnat Fisheries

Shillong: Ka Public Accounts Committee (PAC) yong ka Meghalaya Assembly ynne ka sngi da pynsñiaw ki yei sñiawphylla wow tip wa yaka Scheme wa T.2 klur wa toh u pynkrehkaam da ka chnat ri dakha tangwa da pynkrehkaam da ka chnat bordiñ (MeECL), wei i pynkrehkaam toh wow chna yaki nan dakha lyngba ka Rashtriya Krishi Vikas Yojana (RKVY). Ka PAC da khut ko wow paan pynche leh hajrong ini ya kani ka Scheme na kini ki chnat wa toh u pait neibhah wa da chem wa ini i pynlut man ko kawa ym mihsoh.

Hawa klam cha ki laad pathai khubor, u Chairman ka Public Accounts Committee, u Charles Pyngrope da pyntip u wa katkam wa chem wa ini i krehkaam ym man ko kawa pynhun katkam wa kwah yong ka Fisheries Department.

Da ong, iwa phylla chooh chooh toh wa ka chnat ri dakha tip ko ya ini i kreh yong ka ka MeECL hadien wa da dep hadooh 98% i kaam.

Neiliang u HM Shangpliang, uwa man u dkhot ka Committee da ong u wa ini i pynkreh wa hadooh T.2 klur ym em i leh ha i thoh i tar ka chnat Fisheries, wei da pyntip leh wa katkam i pyntip yong ki sahep ka chnat ri dakha da chem wa i chna nan dakha ym em bha ki wei ym man kiwa biang.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Da ong chooh chooh wa i pynlut man i neibynta wow pynku ya i pynmih symbe dakha na ka 30 lak cha ka 50 lak, tangwa ka MeECL ym pu em ekti ko ya katai ka kaam cha ka chnat Fisheries, deiwa pynrap wa ini i pynlut man ko kawa sep-ai khlem yoh myntoi.

U Shangpliang da pyntip u wa neiliang ka PAC daw lai pait ko ya kitai ki nan dakha ha ka 26 tarik uni u bnai neibhah da yoh yutip wa katni ym de ki nan wei da sih ki neidaw i kreh khalær yong ka MeECL, wei hadien i lai sylli ka PAC daw chim ya ka rai.