Ha kini ki por wa ka ri dang yaleh thma ko yaka khlam COVID-19, ka Indian Railways da yaleh ko katwa ye yow wanrah cha yung ya kiwa chah ktah ha kam kini ki por. Wei kam wow pteiñ ya ini, da chim yaka rai daka Ministry of Railways yow pynkrehkaam sa 2600 tylli ki Shramik Special Trains ha kini ki 10 sngi ha kylleiñ ka ri katkam i emkaam ki sorkar jylla. Da ini da yooluti wow yarap ya 36 lak ngut kiwa sahkut ha kylleiñ ka ri.
Ya kini ki Shramik Special Trains da sdang yaki nadooh ka 1 tarik uni u bnai, yow kit ya kiwa khih mylla wa sahkut, kiwa lai leh niam, kiwa uiñke suwari, kiwa lai puræ wa kiwi kiwa sahkut neidaw ka Lockdown. Ya kini ki Special Trains da pynlai yaki katkam wa kyrpaad daki sorkar jylla deiwa bood yaki kyndon wa da booh nadooh heipor wa phah hadooh wa pdiang yaki. Ka chnat Railway kamjooh ki sorkar jylla da booh ki yaki Nodal Officers yow laibait wei lai ryntih kini ki “Shramik Specials”.
Ka Indian Railways da dep ko wow pynlai luti 2600 tylli kini ki Shramik Special Trains ha kini ki 23 sngi.
Kamwa 36 lak ngut kiwa sahkut da dep pynpoi yaki cha ki jylla yong ki hadooh ynne ka sngi.
Kini ki Shramik Special Trains ka Ministry of Railways da sdang nyngkong 15 jur (kawa lai wa kawa wan) wei nadooh ka 12-05-2020 da pynbna sa 200 tylli ki rel ki wow sdang nadooh ka 01-06-2020.
Discussion about this post