Ynnin ka sngi Thohdieñ, ka Khasi Student Union Jowai Circle da wan e yarap marbaam ko da u khoo wa u salah yaki 60 tylli ki thlu yung ha ka chnong Kyndongtuber ki wym yoh Ration Card kiwa em hapyrdi i kutlad khamtam neidaw wa em ka Lockdown.
Yeini i e yarap da wan e da kiwa yahkhmat ka KSU Jowai Circle, u Morning Star Pasi, President deiwa emlang leh u President ka Jaintia Hills District Unit u Ohibait Dkhar waki dkhot yong ka Circle kamjooh ka Kyndongtuber Unit.
Hawa klam chwa u saam yei e yarap, kini kiwa yahkhmat yaka seiñ da ong ki wa sñiawkmen ki wow yoh i laad wow wan e yarap yaki manyung wa dooh wa duk hapoh kani ka chnong kawa man kam chibynta wow chakri neibynta ka jaitbru.
Neiliang ka chnong da emlang u Waheh Chnong, Secretary Chnong, Secretary VEC, ki Waheh Dong waki Secretary Dong. Kini kiwa yahkhmat yaka chnong da pdiang sñiawbha ki yaki dkhot ka KSU wei da pynsñiaw ki yei sñiawngooh yeini i e yarap ya ki manyung wa dooh wa chah ktah. Da e ki leh yei kyrkhu kyrdoh wa ka sein u ku ko chaphrang hawa kreh neibhah i bha i miat ka jaitbru kam ki chipai ka ri.
Hawa saam yeini i marbaam, da pynkrehkaam yaka Social Distancing kamjooh leh deiwa deiñ yaki Mask.
Kani toh ka yutip wa phah da u Waheh Chnong, Kyndongtuber.
Discussion about this post