Ha ki tyrpeiñ yong pha a Bei-rym’aw,
Wa ri wa kdup pho sngi wa synyaw,
Yaki dak-kjat u warim u bood luti,
Yow miat i kmai ka dustur riti.
Ha chwa wa’u pynhaap i ya u symbe,
Kynmoo yeiwa yah u warim nynde,
Da pynman ka yalang dei ya mih yaaw,
Kam ka dak wow e-ngooh ya pha, a bei-rymaw.
Ya ki kha-kti u warim ha i da ksoh,
Daka Chaad Sukra wa pynjooh u ma u woh,
Chirup deilang wa ka ngooh ka dem,
Wa ki sur tynre sur duitara, u rwai u tem.
Ka phali yuspong ka maiñ u chynrang,
Cha ki wa pait da yapbiej wa phalang,
Ki sari muka ya ka kchu ka siang,
Wa i ksiar u poila u kieñ ha radang.
A blai kynrad ya i kyrkhu kyrdoh,
Iow bha u kba yow bha u soh,
U dap u thiar yow chlai ka tyllu,
Yow hoi u poi ha i manbru longbru.
Discussion about this post