Aa!! Ri Jaiñtia
Ka Ri cha jngai wada burom,
Ka Ri waboon kiwa ya khana parom,
Ya pha ym em de wa let, datip da ki hajar,
Ka Ri Khad-ar Daloi, Ka ri ki Pnar.
Aa Ri waboon ki loom ki wah,
Ka Ri waboon ki sim ki doh wapah,
Hajar rukom ki mrad wa uiń wa lai,
Ka Ri wada chna kyrpang ki Syiem ki Blai.
Ka lyær napha wa riñ, wa pynhiar mynsien,
Ki soh ki pe wabang u baam, dahun mynsien,
Waroh kini katni daman bih.
Changped changpar waki thwai wa langen,
Waroh katni da chong rngiem,
Ymbien de ki u khih u kai,
Wada yap i sñiaw u bru pyrthai,
Pha ka wym jooh ñiaw chiliang,
U won u heh uwon u khian,
Haki swait ki kdung yong pha,
Kdup lut pho dei maya.
Nadooh nachwa ki por ki sngi,
Hadooh katni wa mynried mankawi,
Napha wamih ki Mar wa ki Khlawait,
Ki Rangbah ka Stieh ki Khla ka Wait.
Damih ki lalot wa ki mane spah,
Aa!! ki khon tham kwah rhah,
Kiwa kdur hajrong miaj yapha u da,
Duwa sympat ka tyngka rangip ki hawa chynna.
Kyrsu yaka pateiñ yow lait ko nei syndem,
Yei naam u warim u bood hadooh wa chem,
E wow mih wow khai ki piar kiwow yieñ wow tayar,
Neiwa sih waroi wow ye u yait u kiar.
Yapha u bynda O la heiyap i im,
Yapha wei mynsien u chim,
Da u khnam ka ryntieh ka wait ka stieh,
Wow yieñ yaleh hawa che walieh.
U im i pyrtuid u sah i naam yong pha,
Aa Ri Jaiñtia, a ri wa maya,
Kat pha tæ ym em de ha pyrthai,
Ka Ri wada booh kyrpang ki Syiem ki Blai.
Discussion about this post