Aah!!! Wah Kupli, Wah wa em naam;
Yapha na ai em dei ræ watam;
La heidur hei dar næ hei heh hei kmaai;
Kam pha na-ai rap niar u chem ha pyrthai.
Kat kiwa wan næ lai luti najan yongpha;
Em deiræ wadam yapbeij yei dur yongpha;
Lada u heh u haaiñ ne u khian u sbai;
Hapha dam dei ki ræ u post dur khamtam ki kynthai.
Lada ap pathan yei khana ki waheh;
Napha waroh waroh kiwa yoh chkeh;
Neibhah nachwa wa boon dakha hapha;
Wa chong chnong waroh napha ya im ja.
Ymtoh du i dakha wei yoh poisa;
Hynrei wei chait i nang wa tam wara;
Ki kjut wa boonjait waroh wa wiar;
Haka umchit yong pha manda Sum khooid chlir.
Aah!! manda poi won haka juk wa katni;
Sa du i umkhmat wajow yapha Aah Wah Kupli;
Bru lalot spah yapha deibor wa tynyap;
Da um mooiong suda hapha wa chlai wa dap.
Tip dang em laad dang em luti hi ma-ai??
Ya Wah Kupli u pynkhooid u pynleh stai;
Khamtam yoh u lait ko naka um Mooyong,
Kawa dap su i acid ha waroh sowdong.
Tip cheinow ma-ai ka Water Policy?
Kawa jouh yada yaki Um ki Wah yong i;
Yoh u pynkhooid pynjngiar biang i sa chisien,
Yoh ka Wah Kupli u rap em mynsien.
(Wymem waye u chim næ bood yeini sur-rwai (poetry) khlem da yoh bor na u nongthoh)
Discussion about this post