U montri rangbahdooh ka ri, u Narendra Modi ynne da lai u cha jylla West Bengal wow booddien yei ktah ka æryong Amphan wei ya u Modi da synraan da ki montri ka sorkar pyrdi, u Dharmendra Pradhan, u Babul Supriyo, u Pratap Chandra Sarangi wa ka Debasree Chaudhuri. Ha ini i lai booddien da synraan ya u Modi da u lat ka West Bengal, u Jagdeep Dhankharand wa ka montri rangbah ka jylla, ka Mamata Banerjee.
U Modi da chongknor u leh ha ka yalang wa pynman hapyrdi ki sahep ka sorkar pyrdi wa ka sorkar West Bengla wow booddien ya ki laad yarap wa da e cha ki paidbah.
Chooh chooh u Modi da pynbna u leh ya i e yarap poisa wa T. 1,000 klur cha ka West Bengal wow e yarap wei wow leh ko yeiwa emkaam.
U Modi da pynsñiaw u leh yei mynsien wa yatylli wa ki paidbah ka West Bengal wei da pynsñiaw u leh yei mynsien wa khia cha kiwa hayung yong kiwa da khlaad deiwa pynbna leh wow e yarap T. 2 lak cha kiwa hayung yong kiwa da khlaad wa T. 50,000 cha kiwa mynsoo joor ha kani ka æryong.
Heijooh i por u Modi da kular u leh wow e kyrchaan wei wow kreh chirup wa ka sorkar West Bengal kam ha kini ki por.
Discussion about this post