15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Angnood ka yung u Kyrmen wow chimkti ya i khonboo wa chah ieh

0 Comments
Advertisement ad1

Shillong: Ka yung ka sem yong u montri ka sorkar jylla, u Kyrmen Shylla da angnood ko wow chimkti ya i khonboo kynthai wa da chem ha pchem yung yong uni u montri ha Nongrim Hills, Shillong ha i step ka 30 tarik heipor 6:30.

Hawa yaklam wa u Kyrmen ynne ka sngi da ong u wa i wan poi ini i khonboo ha yung yong ki man i i kyrkhu ya ka yung waroh kawi.

Da ong u wa ka bei, ki payu wot hadooh u pa u yong oo leh kwah bha ki wow chimkti ya ini i khonboo tangwa haap yang ki kamjooh leh haap lai ki katkam ki kyndon yong ka aiñ.

Chooh chooh da ong u wa ki kyndon wa ki luti man ki kiwa jrong wei angnood wei thrang u wow yoh u chimkti wow ri noh ya ini i khonboo wei ini waroh chong i ha i mon yong u Blai.  

U Kyrmen leh da ong u wa lada ka yung yong oo ymyoh ko u chimkti ya ini i khonboo, tangwa yooluti ko wa ini i khonboo u poi i ha ki kti wa ki manyung wa bha ki wow ri wow sumaar hok ya ka. 

Katkam wa man hi ini i khonboo toh iwa la 2 bnai wei hadien wa chem ya ini i khonboo da pyntip cha ki pulit wei da yah cha Hospital wei hadien wa sylli yei chait i khiah ini i khonboo da ekti noh cha ka Lawei Ba Phyrnai Adoption Agency.

Neiliang ka District Child Protection Unit da epor ko 2 bnai ya kiwon iwon kiwa tip næ tipmit ya ini i khonboo wow wan chakhmat wow kam ki, wei lada ym em wa wan kam hapoh 2 bnai, ya ini i khonboo u ekti noh cha kiwi wow sumaar. 

Share this:
Previous

Da pynman ya ka 1st Autumn Camping yong ki Scouts and Guides ka Church of God Secondary School

Next

Lyngba ka Ordinance pynrkehkaam ka sorkar yaka aiñ MRSSA yow sylli yei wan psiah ki baar jylla