Ynne i step heipor kamwa 4:30, kawi ka Truck wa kit Clinker wa em Number ML-11-A-1436 da tyrrah ko ya kawi ka Truck wa sih kawa em u Number NL-01AD-5135 nadien heiwa i phrang yong ka Truck wa tyrrah da piah i phrai wei uwa yah da sahkut u heithaw yah (Cabin).
Ini da jia i ha u sarokbah NH-6 ha 12 Mile hajan Jorabat, Ri-Bhoi District.
Uwa yah da tip ya oo kam u Neverson Shadap uwa na West Jaiñtia Hills District wei da sahkut u kamwa 2 kynta hapoh ka Truck chwa wow ye u sai oo heiwa da mynsoo ki kjat u.
Neiliang ki pulit ka Fire Emergency Service da wan yarap pynlait ki ya u Neverson heiwa da emkaam hadooh 3 tylli ki Crane yow ye u sai ya oo wei da kit ya oo wut-wut cha GMHC Hospital, Guwahati da ka 108.
Ya waroh ar tylli kini ki Truck da yei wow taan ki na ini i taw.
Discussion about this post