Kam chibynta ka lehkmen Diwali ha ka 1 tarik u bnai wow wan wei wow pyntikna yei chait i khiah wei i bha i miat yong kiwa chong chnong waroh. Neiliang ka District Magistrate, In-Charge, West Jaiñtia Hills, ka HML Kynta da pynmih hukum ko hapoh ka Section 163 ka BNNS yow khang yei dai wei thied ya ki bomkala wa da chna chaa baar ri.
I dai ya ki bomkala toh du da kiwa em License wei ki bomkala wa chah u dai toh kiwa bood kyndon wa da pynmih da ka Central Pollution Board.
Katkam ka hukum, ki bomkala ymtoh u ood ki palat ya 125dB (AI) næ 145 dB(C) pk deiwa kheiñ 4 meter nei thaw wa pdung ki. Da khang leh wow pyndait ter ter ya ki bomkala kiwa pyntngit bha ya ka la’ær, kiwa ood wei kiwa pynmih chiboon i jakhlia.
Da khang leh wow thang bomkala 100 meter na ki Hospital, ki Nursing Home, ki Primary wa District Health Care Center, ki thaw puræ, ki yung bichaar, ki thaw mane wa kiwon kiwon ki thaw kiwa da pynbna kam ki Silent Zone da ki bor sorkar.
I thang bomkala ha ka sngi Diwali hapoh ka District u chah du nadooh 8:00 waje i miet hadooh 10:00 waje i miet.
Kani ka hukum u krehkaam ko chisiendon hadooh wa kut ka Diwali.
Discussion about this post