Ka lieñsuiñ yong ki chipai ka Myanmar da noh ko cha rood ha Lengpui Airport, Mizoram ynne ka sngi heiwa da em 8 ngut kiwa mynsoo.
Kani ka lieñsuiñ toh kawa da wan yow li thooh ya ki chipai Myanmar kiwa da yut chapoh India ha ka tyaaw wadep hadien wa joor ka yaleh thma hapoh kani ka ri.
Kani ka liensuiñ toh kawa kit ya 14 ngut ki bru deilang wa u Pilot wei ya ki 8 ngut wa mynsoo da kit cha Lengpui Hospital.
Ini da jia i heipor wa hiar khyndaw kani ka lieñsuiñ tangwa da hiar ware ko chakhmat cha palat ka luti wei da noh ko cha rood sarok hadooh wa khliah ko ar lyngkhot.
Ini wa jia toh heipor kamwa 10:30 i step yow li kit ya kini ki chipai kiwa da wan pyndem heiwa kiwa 184 ngut da phah liwan ki ynnin wei kiwa sah 92 ngut da toh u pynliwan ki ynne ka sngi da kani ka lieñsuiñ.
Neiliang ka Assam Rifles da pyntikna ko wa em 276 ngut ki chipai ka Myanmar kiwa da wan rieh chapoh Lawngtlai District ka Mizoram haka 17 tarik uni u bnai hadien wa ki chipai ka Arakan kiwa yaleh pyrchah wa ki chipai ka ri da ye ki wow jop ya ki.
Discussion about this post