Ka lieñsuiñ Learjet 45 wa pynlai da ka M/s VSR Ventures Pvt. Ltd kawa em Registration VT-SSK kawa kit ya u Deputy Chief Minister ka Maharashtra, u Ajit Pawar toh kawa em 5 ngut hapoh deilang wa ar ngut kiwa pynlai ka heiwa u Pilot toh uwa tip kam u Sumit Kapur katwa ka Co-Pilot toh ka Shambhavi Pathak.
Deilang wa u Ajit Pawar da em u Vidip Jahdhav uwa man kam u Security Officer yong oo neitæ wa ka Pinky Mali kawa man kam ka Cabin Crew heiwa kini waroh da khlaad noh ki hadien wa haap kani ka lieñsuiñ heipor wa lai na Mumbai cha Baramati.
Katkam wa pyntip ka Ministry of Civil Aviation, kani ka lieñsuiñ toh kawa da chna ha u snem 2010 wei ka ARC (Airworthiness Review Certificate) toh kawa da e ha ka 10-09-25 wei daw kut ko ha ka 14-09-26 wei dang dep wot wow pait yei bha i miat ko u hær dang du 85 kynta donhi.
Da pyntip leh wa u Pilot wa ka Co-Pilot toh kiwa dadep wow pynhær lieñsuiñ da kamwa 15,000 kynta.
Kani ka lieñsuiñ chwa wow hiar ko ha Baramati da kynjoh ktien ko heipor 08:18 i step wei chwa wow hiar ki da pyntip ki cha ka Air Traffic Control wym chynna ki ya ka Runway 11 kawa man ka sarok wa thoh u hiar ki, kamtæ da phah ya ki wow skit biang ki sa chisien wei manda mut biang ki wow hiar sa chisien da pyntip biang wym chynna ki ya ka Runway tangwa hadien kattu katni Second da ong ki wa da chynna ki ya ka Runway kamtæ da e bor wow hiar ki heipor 08:43 i step tangwa ym em jubab ki wei heipor kamwa 08:44 da yoo ka Air Traffic Control yei diñ hajan kani ka Runway 11.
Ya kani ka lieñsuiñ wa da iñ da pra da chem neiliang tidiang chwa wow poi cha ka Runway.
Discussion about this post