Heiyatoh wa i chem yei metyap u Damehipaia Papeng ynnin ka sngi na Jowai Bypass hajan ka thaw dai masi wa dang haap hapoh ka chnong Mihmyntdu heiwa ini i thaw toh iwa rap khloo wei jngai na uni u sarok, kiwa chah kem wei kiwa em ha Jowai Police Station toh arngut kiwa dang chah takit.
Kini ki arngut toh kiwa da yoh kem na Mawryngkneng ynnin wei kini ki arngut toh kiwa li yah leh ya ki pulit cha ini i thaw wa noh yei metyap.
Neiliang ki heh pulit ha Jowai ym pu bien ki wow khana iyi iyi leh wei hawa kylli yei poor i dur ha ki Social Media yong uwi u bru wa tip kam u I Love You Talang wa emkti ha ini i rahbor wei tynyap ya u Damehipaia, ki pulit ym kyntait kamjooh ym pyntikna ki yei emkti uni.
Yei pyrtuid yong sa uwi wa em ha thanat leh ym em pu em khana heiwa da poor leh ka khubor wa waroh kiwa da chah kem da em ki soo ngut iwa yeini leh ym pu bien ki pulit u pyntikna.
Kani ka takit toh kawa da pynman lang deiwa krehkaam lang ki pulit ka East wa West Jaiñtia Hills deilang wa ki pulit ka East Khasi Hills wei heipor wa lai sai yei metyap da emlang leh u SP ka East wa West Jaiñtia Hills.
Ki pulit da ong bait ki wa myntu i janmiet lane mynstep daw pyntip chaphang ini waroh.
Puræ leh: Da chem yei metyap u Damehipaia Papeng
