theme-sticky-logo-alt
theme-logo-alt
Advertisement ad1
Advertisement ad1

Da chem yei metyap u Damehipaia Papeng

Advertisement ad1

U Damehipaia Papeng uwa kamai kari Tourist Jowai-Ladrymbai uwa na ka chnong Khonshnong, WJH uwa chongkha ha Mihmyntdu uwa da wiar nadooh ka 10 tarik uni u bnai deilang wa ka kari u ka Alto 800 wa em ya u Number ML-04D-2009, da chem yei metyap u ynne ka sngi na Jowai Bypass.

Yei metyap da chem hadien wa yoh ki pulit u kem ya uwi u bru wa da suba emkti ha ini i kaam wei hadien wa takit da yah u ya ki pulit cha ini i thaw wa noh yei metyap.

Advertisement ad1

Kam wow pynkynmoo wa ya ka kari u Damehipaia da chem toh kawa da lai luti na Lumshnong Toll Plaza heipor kamwa 2:00 waje i sngi katwa uwa yah won toh da uwi won u bru.

Neiliang kiwa hayung hasem da e khublei ki yei kreh chitom ki pulit, ki seiñ kiwa kamai kari kamjooh ka chnong Khonshnong, ka Balang Mihmyntdu wa ki lok ki jor waphær waphær kiwa da wan pyntngen ya ka yung ka sem wa kiwa da yarap wow thooh ya u Damehipaia.

Da pyntip leh wa yei lehniam tlep u Damehipaia u pyndep ha ka 25-08-2022 heipor 1:00 waje i sngi ha loom tlep-bru ka Balang Presbyterian Mihmyntdu.

Neiliang ka Dorbar Chnong Khonshnong leh da pynsñiaw ko yei sñiawngooh ya waroh ki lok ki jor kiwa da thooh ya u Damehipaia, da e leh yei sñiawngooh ya ka Synjuk Waheh Chnong Ri Jaiñtia, Synjuk Waheh Chnong East Jaintia, Synjuk Waheh Shnong Saphai-Iooksi Circle, Balang Presbyterian Mihmyntdu, Kur Rymbai Mihmyntdu, kiwa chong chnong ka Khonshnong wa khamtam ya ki pulit ka East Jaiñtia wa West Jaiñtia Hills kiwa da kreh chitom khlem chong ngiah.

Da beiñ leh ya ki damok wa emkti ha ini deiwa ong wym toh u im laitlooid ki ha sla pyrthai.

Kam wow pynkynmoo wa kam ini i jooh da dep jia heiwa ha ka 16 tarik uni u bnai da chem yei metyap yong u Full Moon Kharsahnoh uwa na Larnai, West Jaiñtia Hills iwa da li noh ha thaaiñ Mynkre, East Jaiñtia Hills heiwa uni leh toh uwa kamai kari Tourist Shillong-Jowai da ka Maruti Swift Dzire (ML-04D-1113) heiwa ya ka kari ym pu em chem.

Puræ leh: Chah rahbor uwa kamai Tourist deilang wa ka kari

Puræ leh: Sñiawkhia ki Waheh Chnong yei chah rahbor kiwa kamai kari, da chem yei metyap uwi

Share this:
Previous

11 tylli ki takma yoh ka Meghalaya ha ka WAKO India National Kickboxing Championship

Next

Da pynkrehkaam ya ka Section 144 ha East Jaiñtia Hills waroh kawi