Na ki pyrtuid wa da pynmih kiwa yap neiwa jia pdung Dynamite ha ka krem mooyong wa em ha Mynsngat-Thangskoo kiwa boon toh kiwa na baar jylla tangwa ar ngut toh kiwa napoh Meghalaya.
Uwi na kini toh u Kmen Rymbai (25 snem) uwa da yap neidaw wa pdung wei ya ka Post-Mortem da leh ha Khliehriat heiwa yei metyap u da e kti ha ka 7 tarik uni u bnai.
Sa uwi toh u Heimonmi Paslein (48 snem) uwa da yap nei jooh iwa jia heiwa ya ka Post-Mortem u da pyndep ha Jowai wei yei metyap da e kti cha kiwa ha-yung ha-sem u ha ka 6 tarik.
Na kiwa mynsoo da em uwi uwa napoh ka jylla hi uwa tip kam u Sanki Shylla (35 snem).
Kini i pyrtuid man ko deiwa kheiñ hadooh ka 9 tarik.
Hadooh kattæ won da pyntip da ka Meghalaya State Disaster Management Authority wa kiwa yap da ku cha 31 ngut katwa kiwa mynsoo da em ki 10 ngut.
Discussion about this post