Heiyatoh wa kiwa suba wa yoh ya u khñiang kjut Meningococcal iwa da jia ha Assam Regimental Centre ha Happy Valley, Shillong, da em ar ngut kiwa yap kiwa wan leh ya ka Agniveer Training ha kani ka thaw.
Uwi da yap u ha ka tayaaw wa dep katwa uwi won da khlaad u ha ka 23 tarik uni u bnai.
Kini ki ar ngut toh kiwa da chah sumaar ha Military Hospital Shillong.
Kiwi ki 28 ngut kiwa wan leh ya ka Agniveer Training da booh ki hapoh Hospital wa suba wa ki leh yoh ki ya uni u khñiang kjut yow ye u pait bniah ki.
Kam wow pynkynmoo wa u Defence PRO Shillong, da pyntip u wa dadep wow e ki dawai wei da booddien leh ya waroh kini kiwa da yachem wa kiwa yoh kjut.
Da phah leh wow deiñ Mask wei da khang leh wow lai u wan ha kani ka Centre yow lait u poor uni u khñiang wei da kyntu leh ya ki paidbah wym toh u tieñ ki.
Discussion about this post