Uwi u bru uwa 39 snem i rta da thok bru u ar snem deiwa dawa poisa na ki bru tangwa da yoh noh wow kem oo da ki pulit ka Film Nagar Police ka Hyderabad ha ka 25 tarik.
Uni u bru uwa tip kam u Bathini Shashikanth da pynleh u kam u sahep IAS, IPS wa NIA yow pynbiej bru wei hadien won da dawa poisa u ki deiwa kular wow yarap ya ki kaam yong ki.
Katkam wa ong ki pulit, uni u bru da kam u ya idæ kam u Deputy Commissioner ka Mines Department wei ha kiwi won ki por da ong u wa oo toh u IPS wei da chna u leh ki ID thok IAS, IPS wa NIA deilang ki Visiting Card wa kiwi de ki kot ki sla yow pynbiej bru wei da thung u leh ar ngut ki Bodyguard kiwa rah suloi kiwa na Tamil Nadu. Da pyndait Siren u leh ha ka kari u wei da pynemkaam da ki Walkie-Talkie yow pyndur wa leh sakhiat yei kaam sorkar.
Uni u bru da saam u leh ki kot ki sla wa chna thok hei pyrtuid ka Telangana State Industrial Infrastructure Corporation (TSIIC) yow bhah thaw heiwa wei da pynbiej bru u wow pynyoh thaw ya ki deiwa dawa poisa na ki yow pynsuk u yoh bor na ka sorkar.
Ini waroh da mih pyrthai i hadien wa ujor u Ali Hassan, Managing Director ka Gold’s Gym uwa da ong wa chah thok u ₹10,50,665 ha uni u bru uwa da kular wow pynyoh thaw (Industrial Land) ya oo wei mar ya yoh poisa, u Shashikanth wiar wot u.
Ki pulit ka Film Nagar da lai kem ki ya uni u bru nei yung wa sah wai u wei da pynngat ki oo hapoh kiwa boon ki kyndon ka Bharatiya Nyaya Sanhita kiwa yatoh wa i thok bru, i chna thok ya ki kot, i dawa poisa wa kiwi de. Ki ar ngut kiwa krehlang wa oo deiwa leh kam ki Bodyguard dang thooh ya ki.
Discussion about this post