Kawi ka manyung na Gorakhpur, Uttar Pradesh da khyrngiat ko hadien wa chah thok ha u bru wa kam toh u sahep IAS wei da bia u ya ka khon ki heiwa da chim u leh boon lak tangka na ki iwa man toh i kaam thok donhi.
Ya uni u bru da tip kam u Pritam Kumar Nishad na Etawah uwa da yut katni wei i takit dang man iwa lai chaphrang.
Kani ka manyung da thooh chynrang ko wow bia ya khon ko lyng ka WhatsApp Group heiwa da yoo ki yei pyrtuid u Pritam heiwa ha ka Profile da thoh u wa toh u sahep IAS wa kreh ha Manikpur.
Wow pynhun ya ka yung, u Pritam da phah u ki dur wa ki Video wa chong u ha Office, iwa em u wa ki heh saiñ pyrthai kamjooh ki News Interview heiwa da ngait ki yeini i kam u.
Da ong chwa u ya ka kyntai wa ym kwah u ya ka Dowry wei kwah u du ya ka kurim wa bha iwa da pynchoh bha ya kani ka manyung wei da pynbait smat noh ki yei bia.
Le sngi chwa i e synjat, u Pritam da dawa u Rs. 15 lak wow pynkhreh yei bia wei da e chwa ki Rs. 10 lak ha ka sngi e synjat wei ka Rs.5 lak ha ka sngi bia.
Chooh chooh da ong u wa ym kwah u ya kiwon kiwon ki tiar na ki neibhah wa boonsien i kreh u pynman i ya oo wow chah kyrriah kreh langær.
I bia yong ki da pynman ha ka 11 tarik u March 2026, ha ka Marriage Hall ha Gorakhpur heiwa ka yung da pynlut ko Rs. 30 lak.
Da mih i suba wa em iyi iyi cha lyndet toh heipor wa lai ka kynthai cha i yung u iwa man du chi kamra wei manda kylli ko, u Pritam da man u wa ini i yung toh iwa chipor neibhah wa dang yang u yei yung sorkar.
Hadien ini ka kynthai da pyntip ko cha kiwa ha-yung ko heiwa manda takit ki da chem wa u Pritam ymtoh u sahep IAS wei da thok donhi u.
Mar poi ki ha yung u da chem ki wa u Pritam wa ka bru wa kam toh ka diah u da yut ki.
Discussion about this post