Ynne ka sngi ka EJNC-Khliehriat Circle hapoh i yahkhmat u General Secretary, u Mebanteilang Sukhlain da lai ujor ki cha u Deputy Commissioner ka EJHD yei leh khlemakor ka NHAI ya u sarokbah NH6 wa hap hapoh ka chnong khliehriat kawa man leh ka District Headquarter heiwa da yoo sarom wow pait yei sih wei em du ki thlu kiwa heh lakam ki nan hapyrdi uni u sarok.
Hawa yaklam wa u DC, u A. Baranwal da khana u wa waroh ini u jia hi i nadooh wa sdang neibhah ka NHAI ym em u booh ko ya ki dooid narood sarok namo ki Side Drain neitæ i daw tæ jia kamni heiwa du khajiak wa dat slap leh da yoo maa wa chlai ka um ha sarok.
Ka seiñ dei sñiawkhia da kyntu ko ya ka yung krehkaam u DC wa lada man katwa man leh u yaleh chitom ko wow thooh ki laad ki luti wow pynbha noh ya uni u sarok ymtoh du wow pyndap moo pyndap chyiap hi-eh ki du chipor donhi.
Ka seiñ da beiñ joor ko yei leh ka NHAI hadooh kiwa boon ki kari ki paidbah da takha wei da sih ki nei joor i sih uni u sarok, wot tang kat u kaap kjat leh ym yoo hoi de nei dap i ktieh wa mih na u sarok.
Ka seiñ da dawa ko leh wow pynkrehkaam noh da ka Section 133 CrPC, ka kyndon kawa klam hajrong i pynthut ya i lai i wan ki paidbah pyrchah ya ka NHAI .
