Ka JAC Dong Namchiang, Elaka Narpuh, East Jaiñtia Hills District, da dawa joor ko na ka sorkar wa naka NHIDCL wow pynchna ya u sarok NH-6 nadooh Tongseng hadooh Ratacherra Malidor, neibhah kamwa man kattæ ki paidbah wa boon wa lang da jynjar palat ki man-ka-sngi nei sahkut kari neidaw wa da sih palatpood uwa da em da ki krem waheh waheh hapyrdi sarok.
Wei kattæ won wa toh i por wa rang slap, da ktah i hadooh kattæ kattæ yei chait i khiah yong kiwa lai wa wan wa kiwa chong chnong khamtam ki khynnah skur neibhah u sarok toh uwa dap dei pum pum.
Wei neiliang ka JAC neipor cheipor da ong chi ong ko wow pynchna noh ya uni u sarok tangwa i jubab wa da yoh toh wa dang pynkreh ya ki nala (Side Drain). Tangwa katkam wa yoo ka JAC i kreh man i iwa suki bha wei lada yang hadooh wa dep u chan nala, itæ mut wa ki paidbah daw maad ki yei eh hei lai i wan neidaw wym chimkhia ka NHAI.
Ka JAC da dawa jur ko leh wa ka NHAI u pyndap ko ya waroh ki thlu wa em ha tymbud sarok katwa dang lai i chna nala. Wei heijooh i por leh wow siang psiang khnang wow pynsuk yei lai i wan ki paidbah.
Kamtæ da e por ar tayaaw wei lada ym leh yeini daw pynman biang da ka yakhih paidbah.
Discussion about this post