Jowai: Ka Meghalaya People United Front (MPUF) East Jaiñtia Hills District Khliehriat Circle hapoh i yahkhmat u Kyrshan Blah, President; u Thawlad Lyngdoh, Secretary wa kiwi ki dkhot ka seiñ da ekti ki ya ar tylli ki dorkhat ha u Kyrmen Shylla uwa man u montri ka Social Welfare ka sorkar jylla ynnin ka sngi.
Kini ki dorkhat kynthup ki ya i wym em BDO ha Saipung Block, kamjooh leh i kyrpaad wow pynbiang noh ya i duna ka Community Health Center (CHC) Khliehriat EJHD.
Neiliang u Kyrmen da ong u wa i wym em BDO ha Saipung Block, toh wa ka sorkar dang pyrchang ko wow wanrah noh smat ya u BDO neibynta kani ka Block.
Hajrong i duna ka CHC Khliehriat, da ong u wa ya kani ka CHC ympu ye u wai neibhah wa man iwa eh wow dawa wut-wut na ka sorkar yei emkaam, tangwa neiliang ka sorkar da ong ko wa daw wai noh ko ya kani ka CHC kawa em 100 palong.
Hadien i klam u montri da yaroh u ya ka seiñ hajrong i kreh yong ka neibynta ki paidbah.
Da pynsñiaw leh yei kmen hajrong i smat u montri uwa da pynsñiaw wa ka sorkar dang kreh ko chaaid chaaid hajrong kini ki bynta.
Discussion about this post