Wow pynsuk ya ki paidbah ka thaaiñ Lachen, ha Sikkim, ka Border Roads Organisation (BRO) ynne da wai ko ya ka yingkieñ Bailey Suspension Bridge kawa jrong 360 feet ha ka wah Teestaha Munshithang hajan ka chnong Chungthang.
Ka 86 Road Construction Company (RCC) yong ka 758 Border Roads Task Force (BRTF), hapoh ka Project Swastik, da sdang ko u kreh ya kani ka yingkieñ ha u Naichiphaw 2019 wei da pyndep ha u Duyatra 2020.
Da chna leh ya u sarok wow poi cha kani ka yingkieñ wei deiwa pyndep ya kani ka yingkieñ daw yarap bha ko wow pynku ya ki kaam uiñkesuwari hapoh ka thaaiñ kamjooh leh daw pynsuk ko ya ki chipai wa em ha khappood waka China.
Ha u Naiynru 2019, ka yingkieñ naar (Steel Bridge) kawa 180 feet wa em ha kani ka thaw da oor ko hadien u slap wa i chlai-um iwa da pynbor ya ki paidbah wow pynemkaam ki da kiwi ki sarok wa lai lyngba ki thaw chipai.
Discussion about this post