theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ar tylli ki International Patent yoh u Dr. Damiki Laloo hajrong i rukom chna dawai kynbat

Advertisement ad1

Man ko kawa sñiawkmen wei sñiaw sarong ya ka Ri Pnar, heiwa da rah naam rah burom u khon yong ka, u Dr. Damiki Laloo uwa kreh kam u Associate Professor ha ka Girijananda Chowdhury Institute of Pharmaceutical Science, Guwahati, Assam.

U Dr. Damiki Laloo wa ki para wakreh (Inventors) wa oo da yoh ki yei tipmit ya ki ar tylli ki International Patent namo ki kreh wa da leh ki kiwa da pynmih (Published) da ka Australian Patent (Govt. of Australia) ha ka 1 Kmaichonglad (December) 2021.

Kini ki ar tylli ki Patent kiwa da yoh uni u waheh wa ki para wakreh yong oo toh chaphang i rukom chna dawai kynbat (Polyherbal Formulation) kiwa yatoh wow sumaar ya i kjut chini (Diabetes) wa kawi won wa yatoh wow sumaar ya kiwa em chitom ha i bor pyrkhat pyrdaiñ (Cognitive Frailty).

U Dr. Laloo da pyndep u ya ka Master wa ka Ph.D ha u 2009 wa u 2013 na ka Indian Institute of Technology, Banaras Hindu University, Varanasi kawa jooh tip kam ka IIT-BHU.

Da kreh u boon snem cha baar jylla wei da puræ kyrpang (Specialized) u deiwa leh ya kiwa boon ki thooh-bniah (Research) hajrong ki dawai kynbat (Medicinal Plants) yong ka Ri-loom Khasi-Jaiñtia.

Da pynmih (Published) u leh ya kiwa boon ki Research Paper (45 tylli) kiwa yatoh wa ki syntu ki kynbat (Medicinal & Aromatic Plants) na Meghalaya wa na kiwi ki jylla ka ri.

U Dr. Laloo toh u khon yong U Ma G. Marchialson Lamar wa ka Kong Dawanshida Laloo wa chong wa sah ha ka dong Loomkyrwiang, Jowai.

Share this:
Previous

Da pynkut ya ka tamasa pynriam khrik-khrak ha Moolamylliang

Next

Da khang wow pynman ya kiwon kiwon ki jait yalang paidbah ha Meghalaya