Artatien ka Finance Commission wow ye ka Meghalaya u pynkhreh yaka National Games

Shillong: Ka 15^th Finance Commission wa khlieh da u Chairman, u N.K. Singh ynne da yachem ki waka sorkar Meghalaya wa yahkhmat da u montri rangbah u Conrad Kongkal Sangma ha Shillong.

Da yaklam bniah ya kiwa boon jait ki kaam kam yeiwa ye ka jylla u pynmih poisa na ki dan wa boonjait wei ka poisa wa mih naki dan man ko 4.38% naka GSDP ha u snem 2016-17 heiwa kiwi ki jylla ka thaaiñ mihsngi da ye ki u pynmih 5.02%.

I chaniah ka jylla Meghalaya haka sorkar pyrdi man ko kawa boon bha heiwa hadooh 80% ki Total Revenue Receipts (TRR) toh kiwa mih naka sorkar pyrdi.

Da yaklam leh yei khang ka NGT wow tih mooyong hapoh ka jylla nadooh u snem 2014 iwa da ktah yei yoh yei kot ka jylla neidaw wa u mooyong da wanrah lang u ya kiwi ki jaitkhih heiwa ka GSDP ka jylla da hiar ko da 2.1% ha u snem 2014-15.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

 Da chem leh wa da ktah ko yei yoh khih ki bru hapoh ka jylla wei da ku ki kaam pyrchah yaka aiñ.

I dooh nong ka sorkar da poi ko T. 255 Klur ha u snem 2014-15 iwa jia neidaw wa chah khang u tih mooyong. Ka sorkar jylla da doh nong ko waroh T. 600 Klur deiwa hiar ka, sales tax, excise kiwi kiwi katkam wa da pyntip won neiliang ka sorkar wa man neidaw wa chah khang u mooyong. Tangwa nadooh wa em ka GST da sdang ku i yoh nong na ki dan suki suki hapoh ka jylla. 

Heiyatoh won wa i boon em ki sarok, ha Meghalaya da em 401 km/1000 Square km. Heiwa hapoh ka ri deiwa kheiñ yong lang ka wi pa kawi ka jylla em ko 952.8km/1000 Square km.

Na ki 15 tylli ki State Public Sector Undertaking (SPSU) kiwa da pynkrehkaam daka sorkar jylla du kawi donhi ka SPSU kawa tip kam ka Forest Development Corporation Meghalaya Limited kawa yoh nong ha u snem 2016-17. Kiwa tlot i krehkaam kam haka kaam bordiñ (Power Sector) heiwa kini ki SPSU da dooh nong ki T. 1836 Klur, kawa man 6.5% ka GSDP.

Da em leh 6 tylli ki SPSU wa kawi naka Power Sector SPSU kiwa da sdang u yoh nong ha u snem 2016-17. Ini i wym ye ki SPSU u pynyoh nong daw ye i u ktah bha yaka jylla. 

Neiliang ka jylla da paan ko wow pynku ya ka bhah wa jooh yoh wei wow booh yaka jylla hapoh ka Special Category States.

Da yaklam leh yei pynkrehkaam yaka 5^th Pay Commission, wa i pynkhreh ka jylla wow pynman yaka 39th National Games ha u 2022 kawa man leh u snem wa dap 50 snem ka jylla. Ka Commission da sñiaw ko wa man iwa khor yaka jylla wow pynbiang lut ko waroh i jait yow pynman yaka National Games.

U Chairman da e buit u yaka jylla wow yaleh katwa ye yow pynku yaka kaam uiñke suwari wa kiwi ki kaam wa yabi lang waka.

Ynnin i janmiet ka Commission da yachem ko leh wa kiwa mihkhmat ki seiñ saiñ hima.