15 49.0138 8.38624 1 0 4000 1 https://wyrta.com 300 0

Thung dien ka Mukhaialong hapoh ka khloo wa yada daka chnong

0 Comments
Advertisement ad1

Jowai: Ka Mukhaialong Dorbar Chnong deilang waka yung krehkaam ka DFO Wild Life, Jowai da pyman ko yei thung dien ynne ka sngi hapooh u pood u ang ka Mukhaialong Pohblai Community Reserved (MPCR) kam chibynta wow lehkmen ya ka World Environment Day 2019.

Hapyrdi i pynthut u slap da ki phaw ngut kiwa chong chnong wa ki bru yong ka yung krehkaam ka DFO da mih ki wow chimbynta wei da yahkhmat da u waheh chnong.

Heiyatoh wa kani ka sngi, neiliang ka chnong hi waroh kawi da yaroh ko yaka yung krehkaam ka DFO kawa da wanrah yaki tre dien kamwa 200 tre wei kamwa 300 tre da pynbiang hi da ka chnong kawa da thung lang ya waroh 500 tylli.

Ha i jooh i por u waheh chnong da e khublei ya kiwa chong chnong kiwa da chimkhia lang ynne ka sngi nalor wa ki boonkaam ki ha jar jiar ki lyngkha rep.

Kani ka sngi da man ko kawa sah kynmoo ya ka chnong kawa da ye u thung katni tylli ki dien wei lada kyllooid i por daw pyrchang wow thung chooh chooh hapoh uni hi u bnai da ong u waheh chnong.

Ka dorbar chnong da maham ko leh wa chah wa ym chah u tang loom hapoh u pood u ang ka chnong khnang wa ki dien u yohlaad ki u heh u san khamtam hapoh u pood yong ki ar tylli ki Community Reserve ka chnong.

Advertisement ad1

0 Comments

Leave a Reply