Shillong: Ki pulit da pynsñiaw ki yei artatien wa joor ya i kam u tre ka dukan wa ynnin i sngi heipor 4:00 waje i janmiet ha Iewduh, heiwa da kam u wa da em ki bru kiwa da wan thang ya i dukan yong oo.
Hawa yaklam wa u SP ka East Khasi Hills, u Davis NR Marak ynne ka sngi, da ong u wa ki pulit sñiaw artatien ki yeini wa kam u tre kani ka dukan, u Rajiv Kumar wa da chah thang ko ha ki damok wei katni dang pynman yei takit wa rap bniah hajrong ini.
Da ong u wa katkam wa pyntip u Rajiv, em ki bru kamwa le namo san ngut wa wan paan ya u chabi na oo wei da e u ya u chabi ha ki wei da yut noh u na ini i thaw chirup wa uwi uwa kreh yong oo, uwi na kiwa kreh yong oo won da lai pyntip u cha ki pulit kiwa yieñ sonteri ha iwi i thaw wei du hapoh san minit ki pulit da poi ki ha ini i thaw tangwa iwa sñiaw phylla toh wa i dukan man i iwa khang tylla katwa i tdem da khai i napoh.
U SP da ong u wa kammon du hapoh san minit ki damok u thang ki ya kani ka dukan, u khang ki ya ka shutter da ki tylla wei wow yut noh ki na ini i thaw.
Hajrong ini i jia, neiliang ki pulit dang pynman ki ya i takit wa bniah ya u tre neibhah ym ye ki u chaniah ya i rukom kam yong oo.
Discussion about this post