Ka Super League ka Amlarem Sub-Divisional Sports Association (ASSA) da pteiñ biang ya ka ynne sngi ha madan Mini Stadium Ladjaplem.
Ka yalehke wa da pynman toh hapyrdi ka Thangbuli YSWC waka Amkoi SC wa jop da ka Thangbuli da 3-1.
Ya ka Thangbuli da thap da u Kithmu Kiman Tariang ha ka minit wa 5, u Fider Dkhar ha ka minit wa 27 wa u Iengskhem Buam haka minit wa 72 katwa ya ka Amkoi da thap da u Afridi.
Mynstep ka yalehke u man ko hapyrdi ka Umladkhur SC waka Ammutong SC heipor 2:30 i sngi.
Hadooh ynne, ka Pdengkarong SC da yoh nyngkong ko deiwa 13 Point na ki 6 tylli ki yalehke, hei wa ar ka Seiñbhalang Shkentalang 10 Point na 6 tylli ki yalehke deilang waka Man I Bha 10 Point na 6 tylli ki yalehke kiwa da ya rynngat i jooh deilang waka Goal Difference.
