Ka Super League ka Amlarem Sub-Divisional Sports Association (ASSA) da pteiñ biang ya ka ynne sngi ha madan Mini Stadium Ladjaplem heiwa da pynman yaka yakhun Semi Final wa khaddooh.
Ka yalehke wa da pynman toh hapyrdi ka Pdengkarong YC waka Thangbuli wa da jop daka Pdengkarong da 2-1.
Ki kool waroh da thap haka kylla miet heiwa ka Thangbuli da yoh ko wow pynkhih jaar nyngkong haka minit wa 50 lyngba u Alpha Pamblang tangwa ka Pdengkarong won da su ko ar tylli haka minit wa 63 lyngba u Special Nongrum wa u Marshial Nongrum haka minit wa 85 yow pynjop syndon.
Ini mut i wa ka Final u man ko hapyrdi ka Man I Bha waka Pdengkarong haka 8 tarik uni u bnai heipor 1:00 waje i sngi.
