theme-sticky-logo-alt
theme-logo-alt
Advertisement ad1
Advertisement ad1

Baam i diñ ya ki dukan wa ki kudam ktung ha Iaw Thymme

Ka Iaw Thymme wa em ha Jowai kawa mantre daka Jaiñtia Hills Autonomous District Council (JHADC) ynne i janmiet da iñ ko, wei i bynta wa chah ktah bha toh ki kudam ktung, kudam kwai najrong kiwi won ki dukan i wym duna de ya 14-15 tylli.

Heini i jia hadien wa i diñ da kyrooh i, ki paidbah wa yoo yeini da ya pyntip pateiñ ki kylleiñ kylleiñ heiwa ka kari yong ka Fire & Emergency Service kawa da wanpoi ha kani ka thaw da pyrchang ko u tympleh yei diñ ha chirup i yarap ki VDP ka Dongmihsngi, ki paidbah ka Ladthadlaboh wa kiwi.

Neidaw wa joor i kyrooh i diñ khamtam hei kudam ktung, ki kari tympleh diñ da hiar ki kawi hadien kawi hadooh 4 tylli haroh yow ye u tympleh yei diñ.

Katkam wa khubor wa da yoh, ini i jia da antaad toh heipor 6:30 i meit wei i diñ da sdang i na i dukan dai cha wa em hajan ka kudam ktung.

U President ka Ri-Loom Jaiñtia Traders Association (RJTA) u P. Lyngkot uwa da emlang ha kani ka thaw wa jia da pynsñiaw u yei sñiawsih deiwa ong, “Tip hi i wa ka JHADC da booh Chowkidar ko wow pait ya kani ka yaw hei miet tangwa sñiawsih won wa i diñ da yooh i wow poor.” 

Heijooh i por ong haroh u wa heipor wa tbian da Phone ki cha ki kari tympleh diñ tangwa neidaw wa slem ki u poi da man noh i dooh nong wa khroo. 

Share this:
Previous

Pynkup burom ka Seiñ Kur Dkhar Wapung Circle ya kiwa lehbha ha ka puræ puthi

Next

Dawa ka TUR wow pyndam noh ya ka aiñ AFSPA