Jowai : Ka seiñ Khasi Jaiñtia National Union (KJNU) ynne ka sngi ha yung krehkaam yong ka ha Mooralong, Jowai da pynkha ki ya ka Women’s Wing (Central Body) hadien wa baam smai 32 ngut ki kynthai yow kreh neibynta ki thong ka seiñ khamtam yow yoh ya ka jylla Khasi-Jaiñtia Land.
Ha chwa u pynbaam smai ya ki dkhot wa Women’s Wing da yoh ya ki kyntien sneiñ kyntu pynchlur na ki President ka HYC wa ka MPUF kamjooh na u ma P. Shylkot wa ka kong P. Synnah kiwa jooh kreh kaam paidbah na chwa.
U President ka MPUF u D. Laloo ong u wa hei kreh ya ki kaam paidbah daw boon kiwa beiñ ya ki tangwa toh u pdiang yeini neibhah ini i chah beiñ daw yarap i yow pynheh pynsan ha i kaam yong i man ka sngi. Kamjooh leh ong u wa boon ki kaam ha i imlang sahlang wa yatoh wa ki kynthai kamtæ emkaam bha ya ki kynthai leh u krehkaam seiñbhalang ki.
Ka kong P. Synnah kawa krehkaam chakri paidbah da boon ki snem pynkynmoo ko wa boon ki por ki kynthai yong i man ki kiwa ym nood u mih cha khmat wei kiwa rieh chadien. Emkaam u man i kiwa chlur neibhah lada ym em ki seiñbhalang wa paitngor ya ka sorkar, waroh ki bru katni da chah thombor ki ha ka sorkar.
Ka President ka Women’s Wing KJNU ka kong Balarina Shullai ong ko wa kam ki kynthai ymtoh u randien ki wei emkaam u yieñ yaleh i neibynta i bha i miat hadooh wa yoh i ya ka thong u yoh i leh ya ka Khasi-Jaiñtia (State).
Ya i pynbaam smai ya ki dkhot da leh da u President ka KJNU u N.N. Shadap.
Ha kani sngi ka kong Kynduhmon Shylla da man ko kam ka Vice President, ka Deimon Dkhar da man ko kam ka General Secretary, ka Philadaphi Rymbai ka Asst. General Secretary, Ka Mephi Rymbai kam ka treasurer, ka Suk Dkhar kam ka Organising Secretary, ka Darihunlang Hinge kam ka Educational Secretary, ka Lidia Dkhar kam ka Publicity Secretary, ka Bilda Kamai kam ka Office Secretary, ka Blenty Dkhar kam ka Cultural Secretary, ka Therisia Rymbai kam ka Environmental Secretary.
Da baam smai leh 21 ngut ki Executive Members.
Discussion about this post