15 49.0138 8.38624 1 0 4000 1 https://wyrta.com 300 0
Advertisement ad1

Baam smai u Justice A. K. Mittal kam u Chief Justice ka Meghalaya HC

0 Comments
Advertisement ad1
Advertisement ad1
Advertisement ad1

Shillong: Ynne ka sngi u Justice A. K. Mittal da baam smai u kam u Chief Justice ka Meghalaya High Court ha Raj Bhavan, Shillong.

Chwa ini u Mittal da jooh man u kam u Judge ka Punjab & Haryana High Court.

Da thung ya oo hadien wa da chong ngiah noh u Justice MY Mir kam u Chief Justice ka Meghalaya High Court.

Ka Supreme Court da thung ko ya u Justice A.K. Mittal hadien wa da dep chong bichaar bha ya kani ka kaam wei da chem wa u Justice A.K. Mittal man u uwa da biang wow man kam u Chief Justice ka Meghalaya High Court wei da sñiawthooh leh wa hadien ini daw em leh ar ngut ki Chief Justice haka Punjab & Haryana High Court, kawa chakri ya ki ar tylli ki jylla, ka High Court wa le wa heh dooh hapoh ka ri wei da em ko 85 ngut ki Judge.

Da kha ya oo haka 30-09-1958 ha Chandigarh, da pyndep u yaka puræ B.Com (Honours) na Sri Ram College of Commerce, Delhi University ha u snem 1977 katwa ya ka puræ LLB da pyndep u na ka Faculty of Law, Delhi University ha u snem 1980.

Hawa klam u hadien wa dep chim yaka smai, u Justice Mittal da ong u wa daw sylli u ya waroh ki yung bichaar ha waroh ki District ka jylla wei kamjoo wei daw pyllang u yeiwa emkaam neibynta wow pynbha chooh chooh yei krehkaam ka High Court khnang wow tip ya kiwa emkaam ha ka jylla wei wow pynmiat pynbha chooh chooh ya ki.

Advertisement ad1

0 Comments

Leave a Reply