Shillong: U Montri wa pait ya ki kaam rep ha ka jylla, u Banteidor Lyngdoh ynne ka sngi da bakla e yukheiñ u ha yung dorbar hajrong ki kari kit jhoor 1917 iTEAMS, kiwa toh ki kari kiwa lai thied jhoor na ki thaw rep wow pynpoi cha ki dukan chnong.
Hawa jubab yeiwa kylli ka MLA na Ampati, ka Miani D Shira ynne ka sngi hajrong i em ki kari kit jhoor, wa da pynkhreh na ka chnat i rep i riang, u Banteidor da ong u wa em 18 tylli ki kari, tangwa nei batai u Montri ym em u mih i yukheiñ, tangwa hadien wa paan pynche na u MLA ka Rongsakona, u Montri da rap ye u wow khana wa ki kari 1917 iTEAMS em ki 18 tylli, wa kynthup ha Ri-bhoi District 5, South West Khasi Hills 2, West Jaiñtia Hills 1, West Khasi Hills 2, East Khasi Hills 3 wa West Garo Hills 5 tylli.
Discussion about this post