15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ka thong hi toh wow wai biang ya ki skur, ym du ya i esikai Online: Lahkmen

0 Comments

Shillong: U Montri ka chnat puræ puthi ka jylla, u Lahkmen Rymbui da ong u wa ka thong wa hakhmat dooh ya ka sorkar toh wow thooh ya ki luti kammon wow ye u wai biang ya ki skur wa ki thaw puræ deiwa kheiñkor leh ya i chait i khiah.

U Lahkmen da ong u wa ki kamra skur man ki kiwa emkaam neibynta ki khynnah wei i puræ lyngba ki Online ymye ki wow su salan ya ki kamra Class ki khynnah.

Yeini da ong u Lahkmen ha yung dorbar ynne ka sngi, deiwa pynrap leh wa ka chnat dang yaklam ko wow bichaar bniah wow pynbait biang ya i puræ puthi ki khynnah wei kammon wow lai chakhmat lada emkaam wow wai biang ya ki skur wa ki thaw puræ wei daw pynbait yeini hadien wa pynkut ya ka khang chnong.

Hawa jubab yeiwa kylli u MLA ka Rongsakona, u Zenith Sangma, u Montri da ong u wa ka sorkar ymye ko wow pynbiang ya ki tiar næ Mobile cha ki khynnah skur kiwa em 9,21,461 ngut ha ka jylla wow pyndep ya ki kot ki sla ki da ki Online Class, neibhah lada kheiñ hei dor  T. 2,000 kawi daw kynjoh ym duna ya ka T. 200 klur wow pynlut, deiwa kheiñ du ya ki khynnah wa puræ ha ki class IX & X em ki palat 1.11 lak ngut, wei kiwa puræ ha ka class XI & XII em ki palat 58000 ngut.

Chooh chooh da ong u wot kiwa sikai em boon ngut kiwa ymye u pynemkaam ya ki Online Class, da pyntip u ha ka yung dorbar wa ka chnat puræ puthi da chimkhia ko yeini i eh i khoo wa yachem ki khynnah skur, wei neibynta wow yarap ya ki (khynnah) ka sorkar da pynmih ko leh da ki program wa kyrpang du neibynta yong ki ha ka Doordarshan Kendra wa kamjooh leh ha ka All India Radio man ka sngi.

Heiyatoh wa i eh i khoo wa chem ki skur samen ki wym ye wow su tulop cha kiwa sikai neidaw wym yoh ki ya ka bai skur ha kini ki 2 bnai wa dadep, neiliang u Lahkmen da ong u wa kamwa man katni ka sorkar ymye ko wow yarap ya kini ki skur.

Previous
Next

0 Comments

Leave a Reply