I pteiñ i joor slap da ktah joor bha i ya u sarokbah NH06 uwa da chlai um na ki kchaaid um-slap nadooh ynnin ka sngi wei ha iwi i bynta u sarok da sdang u wow chah rah chah rong wei ym man chngaaiñ de i lai i wan iwa da pynbna leh da ki bor District wow thooh luti da uwi wei wym toh u pynemkaam ya uni u sarok nadooh ynnin.
Ynne i step ha ini i jooh i bynta wa em ha ka thaaiñ Lumshnong (wa em hadien ka Toll Plaza lada wan neiliang Khliehriat) u sarok da ngam u ha i bynta wa da chah rong chwa wei da oor ngam u sarok heiwa kawi ka kari da ngam ko chapoh wei da ban ya ka da Truck wa pynyieñ pyn hadien kawa da chah taan lang hei ngam sarok.
Ha ini i jia ym em bru hapoh ka kari wa chah ban wei da lait na iwon iwon i mynsoo hadien wa ki bru da yut chwa ki manda yoo ki wa da sdang oor u sarok.
Kamwa man kattæ uni u sarok toh uwa da jan tkut wei wym ym man chngaaiñ de u lai wei kiwa sahkut neiliang ki pulit wa ki bor District da e ki yei yarap ya ki.
Ki kari khian kattæ da pynemkaam ki da u sarok ka Star Cement yow lait na ini i thaw.
