U yachem ka Lajong waka Langsning ha ka sngi wa ar ka Shillong Premiere League

Hapyrdi ka Shillong Lajong FC waka Langsning FC da jop ki la 6 sien ya ka Shillong Premier League (SPL) wei kini ki arliang daw yachem ki mynstep ha ka yalehke wa ar SPL ha Third Ground, Polo heipor 4 waje i janmiet kawa da sdang ynne ka sngi.

Ka Lajong da jop ko yaka SPL le soo sien ha u 2014, 2015, 2016 wa 2019 heiwa da chim won da ka Langsning ha u 2017, 2018 wei i khaddooh wa pynman ya ka SPL toh ha u 2019 hadien wa wan ka khlam COVID-19.

Ya ka Lajong ha kani ka kynti daw yahkhmat da u Bobby Lyngdoh Nongbet hei sein nyngkong.

“Da em i boon kiwa yalehke wa dang khynroo bar ha u 2019 kiwa em hapyrdi 17 wa 20 snem,” da ong u Bobby. “Sñiaw skem O wa ka yalehke daw man ko kawa biang bha pyrchah ya ka Langsning kawa em leh kiwa yalehke wa thymme kiwa da lehbhah ha ki kyrdan wa khian nadooh ki Club wa ki yalehke ka jylla.”

Hanla dang khian i rta, kiwa yalehke ka Lajong toh kiwa da tipmit yei pyrtuid ki kam u Gladdy Kharbuli, u Henry Ford Nongeng, u Saveme Tariang wa u Sangti Janai Shianglong kiwa da dep wow mihkhmat ya ka Meghalaya. Kiwi de kiwa em yei sap kiwa da yalehke bha toh u Wadajied Kynsai Ryngkhlem wa u Tremiki Lamurong kiwa da yalehke ya ka Meghalaya ha ka Junior Nationals ha u 2020.

Related posts

1st Division EJHDFA: Psiah Final ka Rymbai Synrangshahkhain

October 31, 2026

Jop ka Pasadwar wa ACP Padu ha ka 2nd Division, khlem em wa jop ha ka 1st Division ka ASSA

October 30, 2026

Ka Langsning ym em da khlan ko ha u 2019 heiwa dapoi ki cha wa soo na ki 7 tylli ki liang. Da rap tlot ki wow yang nadien heiwa yow pynbait yeini da wanrah ki ya u Dibinroy Nongspung. Da wanrah ki leh ya u Roikhihbha Nongtdu naka Nangkiew Irat wa u Midfielder ka Nongrim Hills u Batiphar Swer. Hakhmat daw em hi u Kitboklang Pale wa u Kynsaibor Lhuid.

“Ka SPL toh kawi na kiwa heh dooh ki League hapoh ka jylla wei da kyrmen i wa daw lehbha i mynstep,” da ong u Assistant Coach ka Langsning, u Dapmon Tariang. “Du nei pyrtuid kini ki ar Club da yooluti wa daw yoh yaka yaleh wa yoosuk.”

Pynarliang ym em ki ya ki kattu katni kiwa yalehke kiwa dang lai yaleh neibynta ka jylla kam u Glennys Lynrah yong ka Lajong uwa dang dep chimbynta ha ka Khelo India Youth Games. Hanla kattæ leh dang em i yooluti wa chongchit neibynta ka yalehke mynstep.