Batai ki bor pulit kammon u leh hei yatoh wei chah rahbor ki khynnah wa ki kynthai

Hadien wa mih boon ki khubor hei yatoh wa i chah rahbor (Kidnapping) ki khynnah khamtam ki kynthai, ka office yong u Additonal Director General of Police, CID da pynmih ko ki kyndon wa emkaam ya ki paidbah yow yarap ya ki hei yatoh wa ini waroh.

1. Lada em kiwa ha yung ha sem phi wa wiar toh u pyntip wut wut cha ki Police wei ym toh u yang hadooh 2-3 sngi.
2. Ya kiwa em khon wa puræ jngai na yung toh u sdang da ki Self Help Group cha ki chnong wa em ki khon ki yow smat u pyntip cha yung cha sem kamjooh cha ki Police lada em wa wiar.
3. Ha kam kini ki por khamtam ya kiwa sah cha bar jylla ym ye u chaniah ya kiwon khamtam ya kiwa im pahooh pahaiñ deiwa ym ryngkat i yoh ki neibhah kini ki bru ye ki u emkti lang wa ki gang wa kidnap bru.
4. Ya ki bru wa pynemkaam kari yaw, lada yoo ki khynnah wa em du ki samen toh u pyntip ki cha ki Police kamjooh lada kini ki khynnah toh kiwa em wa pynbor ki u chong kari ki.
5. Ya kiwa kamai kari lada chem wa ki khynnah toh kiwa chong kari samen samen toh u libooh ya ki cha Police Station namo heipor wa em kiwa heh leh lada suba wa ki toh kiwa pynchong yabor ya ki khynnah toh u pyntip wut wut cha ki Police.
6. Ya kiwa pyllai ya ki thaw puræ ym toh u elaad ya ki khynnah u mih ki lada ym em wa wan thooh ki.
7. Ya ki khynnah wa dam u lai skur boon sngi toh u pyntip cha kiwa ha yung ha sem.
8. Ki number wa emkaam u tip lada chem iwon wa suba hei yatoh i chah rahbor toh u phone ha ki Incharge Anti-Human Trafficking Units : No.9856822988 ha Shillong, 9863082268 ha Jowai wa 9436160171 ha Tura. Ye leh u pyntip bait cha ki SP leh.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024