Jowai: Ka seiñ Jaiñtia Students’ Movement ynne ka sngi da rai ko wow beh seiñ ya ka Lila Siangshai, ka dkhot yong ka JSM-Lumshnong Women’s Wing.
Ka seiñ da ong ko wa i daw wa beh ya kani ka dkhot toh wa em ki kaam wa leh ko i wym yatoh wa ka imlang sahlang heijooh i por da pynemkaam bakla ko yei pyrtuid ka seiñ neibynta ki kaam samen.
Hei yatoh wa i beh ya ka Lila Siangshai, u Shnalad Rymbai uwa man u President ka JSM-ER da ong u wa da boonsien ka seiñ da yoh yutip ko ya ki kaam wa leh ka Lila kiwa man pyrchah ya ki kyndon ka seiñ.
Da ong u leh wa ka seiñ da boonsien phah hajir ko ya ka Lila cha ki yalang ka seiñ wow pynbait yei kaam wa da bakla ko tang ymjooh wan hajir ko.
Ka seiñ da ong ko leh wa nadooh ynne ka sngi ka Lila Siangshai ymtoh de ka dkhot ka JSM.
Discussion about this post