Bei wa kha, Aa Bei wa Maya,
Neibhah yong nga da maad pho yei saja;
Da chah pho leh y’u slap la-ær u phria,
Nalor khynde bnai wada kit pho nga.
Kaamram yong nga da toh kattu,
Nongkylliang wa bha haap O’u su;
Juban ksiar nga da dep khlai,
U mylliñ u lyndet O, tæ Bei duhai.
Kat ka Bei tæ wym em de ha pyrthai,
Ka wym ñiaw yei chitom sñiawsih khuslai;
La ha loom ha madan ki riat synrang,
Wym kheiñ pho ki, u ñiom pho naphang.
Kam u khon dap bnai dap sngi,
U ri u sumaar O chilynter ki sngi;
Kiwa ñiawbeiñ daw yoh ki yei saja,
Poi ha dwar u Blai daw em hei maa.
Discussion about this post