Jowai: Haka 23 tarik uni u bnai da em i jia wa sñiawsih ha ka chnong Tangnob, Elaka Sutnga, East Jaiñtia Hills District heiwa kawi ka khynnah wa dang 5 snem i rta kawa tip pyrtuid kam ka Aphira Nongrum da chah tynyap ko ha ki damok ki wym pu tip.
Hajrong ini, neiliang yong ka East Jaiñtia National Council (EJNC) – Central Executive Council, da beiñ joor ko ya kini ki damok kiwa thrang snaam ki wym em de i mynsien sñiawlem wot ya ki khynnah.
Ka EJNC da kyntu ko ya ki bor pulit ka EJH wow hiar cha kani ka chnong wow pynman ya i takit hajrong ini i jia kawa da pynchong syir mynsien ya ki khynnah katai ka chnong wei wow kem noh ya kiwa emkti ha kani ka kaam, da ong u Niniwanbiang Sungoh, Publicity Secretary EJNC – CEC.
Discussion about this post