July 25, 2018
Jowai: U Ajay Jamwalji, General Secretary Organisation yong ka North East Zone ka Bharatiya Janata Party, ynne da wan u cha nongbah Shillong.
U Ajay, chirup wa ki heh yong ka BJP Meghalaya da yachem ki wa u montri rangbah ka jylla, u Conrad K. Sangma.
Ha ini i wan u Ajay cha Shillong da e mynsien u ya ki dkhot ka Party nadooh ki khian wei ki MLA ka Party da rai ki leh wow chong ha yung krehkaam ka Party chisien chi tayaw.
Heiyatoh wow kyrchaan ya ka NPP na South Tura Constituency, ka BJP da rai ko wow phah ya ka bui (report) cha ka khlieh dooh ka party wow pyrkhat ya ini.
Ka Party da rai ko leh wow yakhun na ka 35 – Ranikor (ST) Constituency ha kani ka Election chiteiñ samoi.
