Jowai: Ka Seiñ Jaiñtia Students Movement (JSM) da pynrem joor ko yaka sorkar bei yei wym kheiñ yei sñiaw yong ki paidbah deiwa mynjur ya ka Citizenship Amendment Bill 2019 ha Lok Sabha.
Ka seiñ da dap ko dei sñiawkthang wa joor neibhah wa i mynjur ka sorkar yaka CAB toh hapyrdi i pyrchah joor na kiwa boon wa lang kiwa chong chnong hapoh ka ri India khamtam hapoh ka jaitbru Ynñiawtrep wa ka thaaiñ Northeast hi waroh kawi.
Ka seiñ da rai ko wow kyrchaan pura ya ka yakhih wa pynman da ka NESO mynstep ka ka 10 tarik.
Ka seiñ da ong ko leh wa ka 10 tarik man ko leh ka sngi World Human Rights Day tangwa ha ri India ka sorkar da tyngkheiñ ko yei hok manbru yong ki paidbah ka thaaiñ mihsngi.
Ya kani ka kyrwoh khubor da pynlait da u Publicity Secretary ka JSM seiñbei u Skhembhalang Dkhar.
Discussion about this post