Jowai: Ka Jaiñtia Student’s Union ha ka wyrta khubor wa phah da u President ka seiñ u Lawyer War da ong u wa ka seiñ beiñ joor ko ya i leh embor ki pulit wa ki paidbah Assam ya kiwa chong wa sah ha ka thaaiñ Umwali, West Khasi Hills.
Da maham ko leh wa lada ka sorkar jylla ym leh ko iwon iwon hajrong ini i jia, ka seiñ leh ym yohsa ko wow pynyoo dei bor neibhah neipor cheipor kiwa mihkhmat kular ki hakhmat ki paidbah khamtam ha ki por election wa manda poi heibor daw pynbait ki ya u pood u ang tangwa da man pathan kani ka phang ka wow pynman pynbiej election wow riñ vote tangwa manda chna sorkar kyruiñ ki dei dien cha ki paidbah khamtam naki thaaiñ khappood.
Ka seiñ da yaroh ko leh ya u MLA ka Ramrai Jyrngam u Kimfa Marbaniang uwa da chimkhia wow wan hiar cha kani ka thaaiñ wa chah ktah deiwa beiñ ya ki Kharkhali kiwa pyrchang wow pynyoobor ha khmat u MLA ka thaaiñ.
Da dawa ko na ka sorkar MDA wow pynbait noh ya u pood u ang ka jylla wei wow dam noh u pynman election issue ya kani ka kaam.
Discussion about this post