15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Dawa ka KSU da ki pulit SF-10 wa ki SWAT wow yada ya ki Khasi ha Langpih

0 Comments
Advertisement ad1
Advertisement ad1

Jowai: I chah thombor ki paaid Khasi ha thaaiñ Langpih toh iwa jia ma jia iwa khlem da kheiñ de yei longbru manbru wa ya i hok yong ki tre ri wa ki kynrad yong ka khyndaw ka chyiap. I jia ha ka 14 tarik uni u bnai ha Umwali heiwa 2 ngut ki rangbah Khasi da chah kem ki wei palat 20 ngut da mynsoo kiwa kynthup lang ya ki khonboo, khynnah wa ki kynthai kawa pynyoo yei kheiñ poh wa ym kheiñ bru ki pulit Assam deilang wa ki poiei Kharkhali kiwa em ha katu ka thaw ya ki tre ri tre muluk ki Khasi.

Du neidaw wa ka chnat bordiñ yong ka Meghalaya thmu ko wow pynbiang bordiñ ya ki paaid Khasi katai ka thaaiñ kawa man i hok wa hakhmat ka yong ki, ki pulit Assam lyngba i pynchongchit ki Kharkhali da bom da choh ki ya kiwa kreh ka MeECL wa ya ki paidbah ka chnong Umwali hadooh wa da poi cha Hospital.

Neiliang ka seiñ mar ya tip ko yeiwa jia ha katai hi ka sngi lyngba ka KSU West Khasi Hills District Unit wa ka KSU Ri Muliang Circle da lai hiar ki bran bran cha katai ka chnong wow pynchngaaiñ ya kiwa chong chnong Khasi wei wow thooh bniah ya iwa jia nadooh wa sdang hadooh wa kut. Chooh chooh ka KSU seiñbei hapoh i yahkhmat u Rapborlang Nongrum da lai hiar won ki ha ka sngi wa bood cha Nongstoin yow lai e mynsien ya kitu kiwa mynsoo ha ini i jia.

Ka seiñ da ong ko leh wa ini pynyoo wa ka sorkar Meghalaya ym ye ko wow e yada da iwa biang wa pura ya ki paaid Khasi katai ka thaaiñ. Ka Khasi Students’ Union (KSU) hajrong kani ka phang dawa ko na ka sorkar wow booh sonteri da ki pulit ha katai ka thaaiñ wa kynthup ya ki pulit SF-10 waka SWAT khnang wow ye u yada ya ki paidbah katai ka thaaiñ na ki poiei Kharkhali wa ki pulit Assam. Ka KSU ka dawa ko leh wa waroh ar tylli ki sorkar toh u e yarap ki ya kitu kiwa chah ktah ha ini i jia.

Khaddooh khatwai ka seiñ ka maham joor ko ya ka jaitbru Kharkhali wa ym toh de u muchlia ki wei u leh embor ki ha waroh ki chnong Khasi lym kamtæ ka seiñ daw chim ko da i luti wa khor. I wym kheiñ wei i wym burom ki Kharkhali wot ya uwa mihkhmat ka Rambrai Jyrngam Constituency, u Kimfa Marbaniang pynyoo che ko wa kini ki jaitbru thmu ki wow kam lut ya ki thaw ki Khasi. Chooh chooh kini ki Kharkhalai da tuklar ki leh heipor wa u Kimfa u dang yaklam u wa ki pulit Assam kawa pynyoo wa ym kheiñ snep ki ya ka jylla Meghalaya. Ka seiñ da yaroh ko ya uni u rangbah mihkhmat uwa da lai bran bran wow yatai yei wan toor ki poiei.

Ini toh katkam ka khubor na u DV Thabah, GS ka KSU.

Share this:
Previous

Khlaad syndet ka Lebi Sumer

Next

Beiñ joor ka JSU ya iwa jia ha Langpih