Shillong: U Montri Rangbah ka jylla u Dr. Mukul M Sangma da beiñ joor u ya i chah beh kawi ka manbei Khasi kawa tip kam ka Tailin Lyngdoh na Delhi Golf Club ha ka 25 tarik uni u bnai heiwa da ong u ini i leh kani ka Club toh iwa ymye u pdiang wei iwa leh deiwa pynyaphær jaitbru.
U Dr. Mukul katni em u ha Delhi wei da klam u chaphang ini ha ki channel kam ka Republic TV, News X, Times Now, India Today, ANI TV wa ka Aaj Tak heiwa da ong u wa ini i leh toh iwa ymye u pdiang neibhah em ki bru ki wym sñiawthooh yei mynsien wow pdiang ya kiwi ki jaitbru khamtam kam ha kani ka ri India.
Da kyntu u leh ya u Kiren Rijiju, uwa man kam u Montri Khynnah kamjooh ya ka tnat kaam pohyung ka sorkar wow chimkhia yeini iwa da man pyrchah yaki bru na ri-loom kawa man ka Scheduled Tribe wei da kyntu u wow ujor mukotduma ki hei yatoh wa ini.
U Dr. Mukul da ong u leh wa kam kini jia ki waroh chi kattu wei kani man ko kam ka nongmuna heiwa emkaam wow pynkrehkaam ya ka aiñ Scheduled Tribe Prevention of Atrocities Act 1989 wa ka Fundamental Right yong ka Riti synchaar ka ri khnang yow lait ki u jia biang neini chakhmat.
(Pic- Twitter ANI)
Discussion about this post