15 49.0138 8.38624 1 0 4000 1 https://wyrta.com 300 0

Joor i thung kreh wa khlem yurim ha ka JHADC: Marki Mulieh
Na waroh ki ADC hapoh ka jylla, ka JHADC toh kawa boon dooh kiwa kreh

0 Comments
Advertisement ad1

Jowai: U Marki Mulieh, MDC ka JHADC da pynbaad u wa i thung kreh hapoh ka JHADC toh khlem bood ya ki kyndon yong ka Selection Board. Ka Executive Committee da thung kreh ko ya kiwa kreh kam ki Ad-hoc wei da pynman ko leh ya ki kam kiwa kreh pura (regularize) ha i kyrdan Grade-III wa Grade IV cha kiwa boon ki tnat ka council kiwa da poi waroh 90 ngut.

Ha ka Grade –III da kynthup ya kiwa sikai skur, LDA , Recorder, Sectional Assistant wa kiwi wei ya ka examination da pynmman ha u snem 2016 yow pyndap yei lait kaam Teachers- 5 ngut , LDA- 6 ngut , Recorder-4 ngut, Sectional Assistant- 3 ngut.

Hadien wa pyndep ya ka Examination, ka Selection Board yong ka Council da jied ko pyllat yeiwa em ki kaam wa lait katwa kiwa leh bha ha kani ka Exam won dang em ki ha ka Waiting List.

U Marki da ong u wa kammon ka Executive Committee da thung kreh ko da kiwa kreh Ad-hoc ki wym em yaleh Exam wa pynman da ka Selection Board wei ya kiwa yaleh Exam won kiwa wan cha khmat da booh ya ki ha ka Waiting List. Ini i leh ka Executive Committee da pyndooh mynsien ya ki khynroo khyllood.

“Ka Council kattu la le bnai ym em de ye ko u su tulop ya kiwa kreh neidaw wa duna poisa ko tangwa ka thung ma thung wa kreh ad-hoc heithaw u thooh laad ko wa kammon u lait ko neini i duna poisa. Wei ini waroh toh yow pynhun ya ki kattu katni ngut ki MDC kiwa ksoh bor iwa ye u booh ya ka Council hei ma wa joor bha hadooh wym em poisa de ko iwa ye leh u wanrah saka Governor Rule.” da ong u Marki.

Da pteiñ u deiwa ong wa kamwa man kattæ ka Council ka da dap da biang i boon kiwa kreh Grade-III wa Grade-IV yow pyndep yei kreh hapoh ka Council tangwa katkam ka Office Order No.929 2017 16.07.17 khlem khut advertisement da thung kreh pura ki ya ki 62 ngut ki bru wa kynthup ya arngut ki Grade-I Junior Engineer  wa 60 ngut ki Grade-IV.

U Marki da ong u leh wa na waroh ki Autonomous District Council hapoh ka jylla, ka JHADC toh kawa boon dooh kiwa kreh hadooh wa da poi ka tulop T. 4 Klur chiteiñ chi bnai wa haap su ko wei deiwa em kini ki 62 ngut kiwa kreh thymme daw poi ko T. 6 Klur chiteiñ. Kamni ym yoh poisa de ka Council yow leh ya ki kaam pynroi.

Ka poisa wa jooh yoh ka Council na ka sorkar jylla wa yabhah na ki mar pohkhyndaw leh da duna ko nadooh wa khang ka NGT yei tih mooyong.

U Marki leh da pynbaad u wa ka EC u Thombor Shiwat da thung kreh ki leh ya ki wym em hapoh ka mang poisa kam ya u Fieldman, Process Server, Enforcement, Forest Guard wa Office Peon kawa pynmih katkam ka Office Order wa No.937 of 2017 dated 16th June 2017.

Da pynkut u deiwa ong wa toh u pyndam noh yei thung kreh Ad-hoc wei yow pyndam noh ya ka notification/order wow thung kreh ya ki 62 ngut wa leh khlem khut advertisement.

Advertisement ad1

0 Comments

Leave a Reply